Маълумоти:
Магистр, Давлат бошқаруви, Yonsei университети, Сеул, Корея Республикаси, 2009-2011 йй.
Бакалавр, Халқаро иқтисодий муносабатлар, Тошкент Давлат иқтисодиёт университети, 2004-2008 йй.
Эгаллаган лавозимлари:
World Culture Open ташқи алоқалар ва ҳамкорлик бўлими директори, Оттава.
Маданий ва паблик-арт лойиҳаларининг мустақил куратори ва продюсери. “I AM FROM UZBEKISTAN” муаллифи.
Иш тажрибаси:
Тахминан 10 йил халқаро ҳамкорликни, маданий ранг-барангликни ривожлантириш ҳамда минтақалар, маданиятлар ва авлодлар ўртасида кўприк яратувчи ижодий ва маданий лойиҳалар ёрдамида барқарор ривожланиш соҳасида жамоатчилик фаолияти билан шуғулланган.
Сўнгги бир неча йиллар мобайнида World Culture Open халқаро маданият ташкилоти ходими, қуйидаги иш учун масъул ҳисобланади: Ташқи алоқалар, ҳамкорлик ва халқаро шериклар билан ҳамкорлик бўлими директори (2015 й. – ҳозирги вақтгача);
World Culture Open Хитой бўлинмаси регионал директори, Пекин (2012-2017);
World Culture Open Корея бўлинмаси дастурлар координатори, Сеул (2011-2012).
World Culture Open да бутун ишлаш вақтида – стратегик режалаштириш кенгаши аъзоси ва Better Together Festival (Чонджу, Корея), World Music Shanghai (Шангхай, Хитой), Cambodian Living Arts Forum (Пномпень, Камбоджа), Culture Designers Fair (Сеул, Корея), Jeju Peace Forum (Чеджу ороли), Art Crawl Beijing (Пекин, Хитой) каби ташкилотнинг халқаро лойиҳалари ҳамташкилотчиси ва продюсери. Асосий ишдан ташқари, “халқ дипломати” чет элда (Хитой, Корея, Малайзия, Индонезия, Армения ва Канада) Ўзбекистон маданиятини фаол тарғиб қилиб келмоқда. Al.fergani ижодий тахаллуси билан иллюстратор ва муралист бўлиб, ўз асарларида ўзбек маданияти ва миллий мотивларни акс эттиради. Ўзбекистон маданияти ва тарихи тўғрисида тақдимотни, ўзбекистонлик рассомлар кўргазмаларини ва миллий фольклор бўйича мастер-классларни ўз ичига олган “Hello Uzbekistan!” тадбирининг ташкилотчиси. Ўз фаолиятини Тошкентдаги Ўзбекистон-Корея тараққиёт банки (UzKDB)да халқаро молия соҳасида бошлаган.